Space Spark
Space Spark – الشرارة الفضائية
كل فكرة كبيرة… بتبدأ بشرارة.
يمكن أول مرة سمعت عن الـSmart Home في مصر قلت: “حلو جدًا… بس مش وقته”
أو
“فكرة عظيمة… بس محتاجة تجهيزات وفلوس كتير”
بس الحقيقة؟ مش لازم تبدأ كبير…
المهم تبدأ صح! .
وعشان كده عملنا باقة Space Spark:
الشرارة الفضائية اللي تفتحلك باب الذكاء بهدوء… وبدون أي مجازفة مالية.
شكل حياتك بعد الباقة:
عارف الإحساس لما كل حاجة حواليك ماشية بالعكس؟ تلاقي النور منور في أوضة فاضية، التكييف شغال على الفاضي، والأمان كله معتمد على قفل باب تقليدي؟
باقة Space Spark بتخلصك من كل المشاكل دي وأكتر! وتحول بيتك لبداية طريق سمارت.
يعني لو ليلة شتوية في المطر، راجع متأخر بعد شغل طويل… إيدك مشغولة بالشنط، وتكتشف إنك ناسي المفتاح، قلبك يقع للحظة!
لكن كل ده بينتهي أول ما تفتكر: الباب بيفتح ببصمتك من لمسة واحدة والدخول بقى أسهل من أي وقت.
ولما تكمل دخول الأوضة، النور يشتغل بأمر من صوتك.
وتفتكر فجأة: “يا ترى النور اللي في الصالة مطفي ولا لسه شغال؟” فتدي أمر صوتي بسيط: “اطفي كل الأنوار”… وفجأة تلاقي البيت كله استجاب.
مشهد بسيط لكن هنا تبدأ رحلتك مع بيت فاهمك من أول خطوة، يسهّل حياتك، ويفتحلك باب التطوير كل ما تحب تكبّر.
..
معنى Space Spark إنها الباقة اللي تخلي بيتك يبتدي يفهمك.
الباقة دي معمولة مخصوص للناس اللي:
- أول مرة تدخل عالم الـSmart Home.
- بتجهّز شقة جديدة ومش عايز تبوّظ التشطيب.
- بتحب التجربة خطوة بخطوة… قبل ما تكبّر.
وكل ده بيتم بدون تكسير، وبدون تعديل سلوك، وبدون مصاريف تانية.
“مكونات وسيناريوهات” _باقة الشرارة الفضائية؟
1. 5 مفاتيح ذكية من نوع T5 Ultimate
شكل مودرن – RGB إضاءة خلفية – تتحكم فيها عن بعد أو باللمس أو بأوامر صوتية – بتديك أول لمسة من بيت فاهمك في نظام سمارت هوم حقيقي.
2. جهاز IR Universal
يعني إيه IR Universal؟ وإيه علاقته بالسمارت هوم؟
..
جهاز IR Universal ده ببساطة شبه الريموت اللي في إيدك… بس بدل ما يبقى لكل جهاز ريموت لوحده، لأ، هو بيجمعلك كل الريموتات في جهاز واحد… وبيخلي موبايلك هو الريموت.
يعني تكييفك، التلفزيون، الرسيفر، البروجيكتور، المروحة… أي جهاز بيتحكم بالأشعة تحت الحمراء (Infrared) – هو يقدر يتحكم فيه!
وبنربطه على تطبيق زي eWeLink (لو نوعه من Sonoff).
بعد كده… تقدر تخليه جزء من أي سيناريو أو Automation في نظام Smart Home.
يعني لو دخلت أوضتك الساعة 7 بليل؟
- بكلمة منك يشتغل النور.
- يفتح التكييف على 24.
- يفتح التلفزيون على القناة اللي بتحبها.
طيب فايدته لنظام السمارت هوم؟
يخلي الأجهزة القديمة اللي عندك (اللي مش سمارت) تبقى Smart Start ..يعني أول خطوة في طريق تحويلها لسمارت.
يعني بدل ما ترمي أو تغير التكييف أو الشاشة… لأ، خليه ذكي بالجهاز ده.
3. قفل باب ذكي I7 Smart Lock
بصمة – كود – كارت – موبايل – مفتاح…
كل الطرق بتخليك تدخل بيتك بأمان وسلاسة، وتعرف مين دخل ومين خرج، وامتى.
4. سماعة Alexa Echo Dot 5
لو بتحب تتحكم بصوتك، أو تتكلم مع البيت… السماعة دي هتكون المساعد الذكي اللي يرد عليك فعليًا.
5. تركيب وبرمجة كاملة على إيد مهندسين معتمدين من SpaceNest
مش بنسلّمك منتج… إحنا بنسلّمك بيت شغال من أول دقيقة وخدمة كاملة من أول التوصيل لحد البرمجة والمتابعة إحنا معاك.
من الأخر الباقة دي هي الشرارة والشعلة اللي هتخلي فكرة السمارت هوم تشتعل أكتر في دماغك وتقدر تطور فيها وتغير زي ما تحب.
من هنا تقدر تكون أول خطوة حقيقية في بناء Smart Home فاهمك مش حافظك.